Op der Schock

Op der Schock setzt sech fir d’Bedierfnisser vu Mënsche mat enger intellektueller Beanträchtegung an. Baséierend op dem Normaliséierungsprinzip an enger ganzheetlecher Siicht vum Mënsch, begleeden an ënnerstëtze mir jiddereen a senger individueller Perséinlechkeetsentwécklung. Eist Zil ass et, dëse Mënschen eng Liewensqualitéit ze bidden, sou wéi hir berufflech a sozial Inclusioun ze fërderen.

Zënter 1989 bidde mir Aarbechtsplaze fir Mënsche mat enger intellektueller Beanträchtegung an eisen Atelieren zu Réiden un. Dëst Angebot ass iwwert d’Joren ëm Ausbildungsplazen, eng Dagesfërderstätt, e Fräizäitprogramm, een interne Berodungsdéngscht a betreit Wunnen erweidert ginn.