Den GERO – Kompetenzzenter fir den Alter asbl beschäftegt sech mat de ville Facettë ronderëm den Alter an d‘Al ginn. Zu senge villfältegen Aufgabe gehéieren Sensibiliséierung an Informatioun fir Senior*innen, Fortbildungscoursë fir Professioneller aus dem Fleegesecteur, grad esou wéi déi wëssenschaftlech Ëmsetzung a Begleedung vu verschiddene Projeten op nationalem an EU-Niveau.
Den GERO – Kompetenzzenter fir den Alter asbl sicht fir direkt oder no Ofsprooch
E Coordinateur oder Coordinatrice fir säi Fortbildungsinstitut geroPRO (M/W/D)
CDI, 34 Stonnen, Bac+5
Är Missioun:
Als Responsabel (Coordinateur oder Coordinatrice) geroPRO sidd Dir verantwortlech fir d'Organisatioun vun alle Formatiounen a Konferenze fir Gesondheetsberuffler, Personal vun der Begleedung oder am Allgemengen zum Aspekt vum Secteur vun der eelerer Persoun. Dir koordinéiert och d'Projeten déi de geroPRO betreffen.
Är Aufgaben:
- Entwécklung, Organisatioun a Begleedung vu Formatioune fir déi Professionnel aus dem stationären an ambulante Fleegesecteur
- Sondéierung vun den neien Tendenzen an innovative Konzepter am In- an Ausland am Secteur Senior an an der Fleeg
- Evaluatioun a Promotioun vun de Formatiounen a Konferenzen
- Konzeptioun an Ausschaffe vu Projeten am Beräich Fortbildung, zesumme mat den Acteuren aus dem Secteur an dem Familljeministère
Är Kompetenzen:
- excellent Organisatioun an Teamgeescht
- gutt Kommunikatioun a Wuert a Schrëft (Lu, De, Fr)
- Kompetenz an de gängegen Office-Programmer
Äre Profil:
- Bac+5
- Dir hutt eng Ausbildung an der Gestioun, an de Sozialwëssenschaften oder an engem Beräich, deen mat der Gesondheet oder der Betreiung ze dinn hutt.
- Erfarung am Beräich vun der Fortbildung an/oder dem Secteur vum eelere Mënsch an der Gesondheet si vu Virdeel
- D’Wichtegkeet vun der Formation continue kennen an eegen kreativ Ideen matbréngen fir dëse Beräich weider ze entwéckelen
- Dir kënnt Lëtzebuergesch, Franséisch an Däitsch schreiwen a schwätzen.
Wat mir Iech ubidden:
- eng interessant a villsäiteg Aarbecht an enger motivéierter Equipe
- eng Méiglegkeet un innovativen an diversen Projeten matzeschaffen
- Bezuelen nom Kollektivvertrag am soziale Secteur (Carrière C7)
Wann Dir interesséiert sidd, schéckt Är Demande mat Motivatiounsbréif, Liewenslaf an Diplomer bis spéitstens den 10. Dezember un:
GERO – Kompetenzzenter fir den Alter asbl
1, Dernier Sol L-2543 Bonnevoie-Luxembourg
oder per E-mail: [email protected]
Eng éischt Selektioun gëtt op Basis vun den Demandë gemaach.
