Op der Schock, société coopérative stellt an:
1 Coordinateur fir eis Kichen (m/f/n), CDI 30-40St./Woch fir eisen Atelier d’inclusion professionnelle zu Réiden – REF: COOP202502
Deng Missioun:
An engem Team vu Coordinateuren zesummen d’Leedung vun den Ateliers d’Inclusion Professionnelle assuréieren a fir ee gudde Fonctionnement suergen, am Aklang mat de Wäerter an der Philosophie vun der Schock.
De Schwéierpunkt vun denger Aarbecht läit an der Leedung vum Kicheberäich:
- Leedung vum Team
o Aarbechtsorganisatioun a Fonctionnement vum Alldag mat der Equipe zesumme plangen an ëmsetzen
o Leedung vun Teamversammlungen
o Féierung vu Mataarbechtergespréicher
-mat der Ënnerstëtzung vu pädagogesche Mataarbechter:
o Aarbechtsofleef strukturéieren an un d’Kompetenze vun eise betreite Mataarbechter upassen
o Entwécklung an Aktualiséierung vun Aarbechtsprozeduren an Zesummenaarbecht mam Team
o Fërderung vun de Kompetenze vun de betreite Mataarbechter
-Qualitéitsgestioun an Organisatioun vun der Produktioun:
o Fir eng gutt Qualitéit vun eise Produit’en suergen
o Käschtenopstellungen maachen
o Austausch a Verhandlunge mat Fournisseuren, eng Zesummenarbecht mat regionale Produzenten an/oder Bioproduzenten opbauen
o Nei Produkter mat entwéckelen
- Berodung an Austausch mat Client’en
- Nei Aktivitéiten am Kicheberäich mat opbauen an di besteeënd Beräicher weider ausbauen, dëst virun allem am Kader vun eisem Ausbauprojet vun den Ateliers d’inclusion professionnelle.
Qualifikatioun a Kompetenzen déi’s du als Coordinateur matbrénge solls:
- Een zu Lëtzebuerg unerkannten Diplom Niveau BTS oder Bachelor am Beräich Management an der Restauratioun o.ä.
- Kenntnisser vun de gängegen Normen am Liewensmëttelberäich (HACCP…)
- Ee Leadership, wat gepräägt ass duerch eng respektvoll, wohlwollend a léisungsorientéiert Haltung an der Aarbecht, Kloerheet an Zilgeriichtheet
- Fäegkeet, Freed a Motivatioun, souwéi och den Equippegeescht ze fërderen
- Ee wohlwollenden a wäertschätzenden Humor
- Kapabel, autonom ze schaffen a Responsabilitéit ze iwwerhuelen
- Gutt Kompetenzen an der Verschrëftlechung an an der Kommunikatioun
- Strukturéiert a koordinéiert Schaffen, gutt Zäitgestioun
- Flexibilitéit an Teamfäegkeet
- Gutt PC-Kenntnisser
Wat mir dir bidden ?
- Zesummeschaffen an engem dynameschen a motivéierten Team
- Vernetzung mat anere Servicer
- Reegelméisseg Formatiounen
- Aschaffen vun der Direktioun an deenen anere Memberen vum Leedungsteam
- CDI
- Salaire a Konditioune vum CCT SAS
Konditiounen:
- Sproochen: Lëtzebuergesch, Däitsch a Franséisch
- Führerschäin B
- Well dir mat Mënsche mat enger Beanträchtegung schafft, gëtt och een Extrait (3,4 an 5) aus dem Casier judiciaire gefrot
- Lëtzebuergesch schwätzen ass eis wichteg, fir dass déi betreite Matarbechter hir Betreier verstinn.
Wann Dir interesséiert sidd, schéckt Är Demande (Liewenslaf, Motivatiounsbréif, Foto, Kopie vum néidegen Diplom a senger Unerkennung zu Lëtzebuerg, Casier) un:
Op der Schock - Ressources humaines
B.P.10
L-8501 Redange
Oder per E-Mail un: [email protected]
Eng éischt Selektioun gëtt opgrond vun den Dossiere gemaach
Fir weider Informatiounen, kënnt dir eis gäre kontaktéieren
Tel: 00352 26 62 18 81
