Direkter vum Departement Action et Santé sociales (M/W/D)
Den Departement Action a Santé Sociales (DASS) zielt méi wéi 400 Mataarbechter a regroupéiert eng grouss Diversitéit u Servicer, déi sech un Persoune riichten, déi sech an enger prekärer oder vulnerabler Situatioun befannen. D’Offer ëmfaasst ënner anerem Opnam-, Nout- a Wunnstrukturen, psychosozial Betreiungsservicer souwéi eng Rei vu Strukturen, déi materiell, sozial oder therapeutesch Hëllef ubidden (Aides matérielles et alimentaires, Centre National pour Victimes de Violences – CNVV, CLES, dropIn, HIV-Berodung, LISKO, Offices sociaux, PASS-By, Riicht Eraus, SALU, Service Migrants et Réfugiés, …).
Missioun
Als Direkter vum DASS leet Dir all d’Aktivitéiten, Projeten a Servicer vum Departement. Dir setzt Iech fir d’Ënnerstëtzung vun de vulnérabelste Persounen an a garantéiert eng héich Qualitéit vun de prestéierte Servicer. Ausserdeem drot Dir d’Verantwortung fir d’strategesch Ausriichtung, d’finanziell Gouvernance an d’Entwécklung vu sozialen an innovative Programmer.
Responsabilitéiten
Leadership & Strategie
- D’Visioun an d’Strategie vum DASS definéieren, am Aklang mat de Wäerter an de globale Ziler vun der Organisatioun.
- Zesumme mat der Generaldirektioun un den allgemengen Orientéierungen an un der sozialer Innovatioun matschaffen.
- D’Qualitéit, d’Konformitéit an d’kontinuéierlech Weiderentwécklung vun de Servicer garantéieren, fir den sech ännernde Besoine vun der lëtzebuergescher Gesellschaft gerecht ze ginn.
Budget- a Finanzgestioun
- D’Budgette vum Departement geréieren an engem Ëmfeld, wou d’Finanzéierung deelweis op staatlech prestatiounsbaséiert Dotatiounen, EU-Projeten an Donen opbaut.
- D’finanziell Viabilitéit vun de Servicer assuréieren an d’Ressourcen optimal asetzen.
Projetentwécklung & Sozial Innovatioun
- Nei sozial Besoinen fréi erkennen an innovativ Léisunge proposéieren, déi en direkten Impakt op d’Offer an d’Begleedung vun de Beneficiairen hunn.
- D’Ekippën bei der kontinuéierlecher Verbesserung vun de Servicer ënnerstëtzen, am Aklang mat den Orientéierungen an der Visioun vun der Generaldirektioun an dem Verwaltungsrot
Management & Equipeentwécklung
- Multidisziplinär Ekippë strategesch féieren an d’Entwécklung vu Kompetenzen, Leadership-Fäegkeeten an autonomer Entscheedungskompetenz bei de Mataarbechter gezielt fërderen
- Eng Kultur vum aktive Nolauschteren, vun der Mënschlechkeet an engem héije Grad u Professionalismus verankeren, fir Engagement, Leeschtung an Organisatiounsentwécklung nohalteg z’ënnerstëtzen
Representatioun & Partnerschafte
- D’Lëtzebuerger Rout Kräiz an den Departement no baussen hin representéieren, besonnesch géintiwwer ëffentlechen Institutiounen, Associatiounen, Aarbechtsgruppen an anere relevante soziale Acteuren, fir eng kohärent a staark Präsenz an der nationaler sozialer Landschaft ze garantéieren.
- Strategesch a laangfristeg Partnerschafte matentwéckelen an notzen, fir d’Effikassitéit an den Impakt vun de soziale Programmer ze stäerken an d’Koordinatioun tëschent de verschiddene sociale Stakeholder ze optimiséieren
Profil
Erfarung & Kompetenzen
- Bac +3 (sozial oder gesondheetlech Ausriichtung bevorzugt)
- 5–10 Joer Erfarung an der Direktioun oder Koordinatioun vu sozialen oder medico-soziale Servicer
- Staark Kompetenzen am Management vu komplexe Projeten a finanziellen Dossieren
- Exzellent Kenntnisser vum lëtzebuergesche Sozialsecteur an de Finanzéierungsmechanismen.
- Kenntnisser am Beräich Migratioun/Asyl (EU-Recht a nationale Parcours) si vu Virdeel
- Wëssen iwwer d’Gestioun an d’Finanzéierung vu soziale Wunnengen ass e Plus
- Sécheren Ëmgang mat den Office-Outilen
- Führerschäin B
Sozial Kompetenzen
- Starken, inspiréierende Leadership an d’Fäegkeet, grouss multidisziplinär Ekippë gezielt ze orientéieren, strategesch ze mobiliséieren an op gemeinsam Resultater auszeriichten, ënnerstëtzt duerch en héije Grad un aktivem Nolauschteren an empathescher Leadership-Kompetenz.
- Exzellent kommunikativ an representativ Fäegkeeten op institutionellem an strategeschem Niveau, kombinéiert mat enger ausgeprägter Netzwierkorientéierung an der Kapazitéit, nohalteg Partnerschafte mat zentrale Stakeholder ze entwéckelen an ze féieren.
Sproochen
- Exzellent Kenntnisser am Lëtzebuergeschen, Franséischen an Engleschen (geschwat a geschriwwen). All aner Sprooch ass en Atout.
Am Fall vun enger Astellung froen mir en Extrait vum Casier judiciaire.
